Li pa gen limit, li pa gen kè li pa ti-tiye
Ou pa epanye nenpòt kote w sitye
Ni inosan, ni kiyès ki tiye
Li pa gen baryè, li pa konn sa kilti ye
Ou mèt annafè ak pa bon, w ap konn sitire l
Peny ti dan mèt devan w, ou p ap konn si l sire
E ou mèt fwi, ou mèt kouri
Lè Cupidon debake, ou p ap konn si l tire
Se rete w ap rete w ap tonbe plat
Ti kè w ap vi n piti, l ap tonbe bat
Ou ka menm al achte bag ou mande dat
Aprè w ap pran desepsyon pou wa l tonbe bat
Li parèt sanzatann lè w panse l pa la
Chak moun yon kavalye pou danse bal la
Dèfwa pou pa w la vini, fò w pase pa la
Li tankou lanmò, fò w pase pa la
Ou te mèt te tonbe, ou pral tonbe pi rèd
Aah! ou te mèt te kriye, ou pral kriye pi rèd
Frè m, ou mèt di w p ap tounen, w ap tounen pi rèd
Ou pa gen chwa, frè m, s'on pasaj oblije
W ap tonbe pi rèd
Ou mèt kouri, sèmante, fè sa w vle, ou mèt evite
L ap toujou frape san l pa envite
E menm sou konnen w pral soufri
Lè l parèt, w ap pran kè w, ou ouvri l san w pa ezite
Ou pral tonbe sou youn ki ba w degou
'On lòt ap pran w nan tristès, li fè w debou
Men poutan ou ka kite l pou yon lòt ou renmen plis
Ki 'just'wè w tankou yon moun l ap bay de kou
Lanmou, jodi, ka fè w kriye
Men, demen, li pral fè w souri
Li blese w grav, li brize kè w
Men yon lòt moun pral ede w geri
Malgre echèk ou yo
Pa jwenn moun ki renmen w, o-oh!
Menm si lanmou fè w monte lesyèl pa do
S'on fado, ou-ouh!
Lanmou s'on lento li ye
Oh-oh-oh-ooh
Lanmou s'on lento li ye
Oh-oh-oh-ooh
Lanmou s'on lento li ye
Oh-oh-oh-ooh
Lanmou s'on lento li ye
Oh-oh-oh-ooh, o-ouh, o-ouh!
Li toujou koman bèl
Kè kontan, souri 'aux lèvres'
Ou santi w vin pi bèl, ou bwodè kou pan
Ou bliye tout bagay, anyen pa egziste
Ou konsakre tan w sèlman ak koup lan
Apre pral gen soupson
Jalouzi pral met pye
Apre sa dout pran
E se la w pral reyalize ke w te nayif
Li twò ta, se kou w pran
Men se pa konsa l te vini
Ou pral mande lanmò se pa konsa l dwe fini
Pou jan nou te damou, li t ap fè w bèl pwomès
Pou jan w te kwè nan li, se konsa l te vini
Men se ou k te la pou sa, se pa pou sa l te vini
Jan lanmou parèt la, se pa konsa l te fini
Pa kouri lage kè w, gade avan lage konfyans ou
Nou ka toujou ansanm, se pa pou sa n dwe ini (se pa pou sa n dwe ini)
Se lè w nan difikilte, w ap konn moun ki nan men w lan (w ap konn moun ki nan men w lan)
Tòg! Avan w kite l rann ou avèg, toujou gad moun k ap mennen w lan
Si l kite w, li pa t merite w, siye larim ki nan nen w lan
Fò w reziye w, koz dèfwa li biza, fòk sa w renmen an ale pou jwenn sa k renmen w lan
Se vre lanmou
Lè w tonbe, ou pran lòt kou
Li fè w mal, mal, mal
Mal, mal, mal
Fò w konnen w ap g'on jou
W ap jwenn yon moun ki pou (ki pou)
Vin met lajwa nan kè ou
Lanmou, jodi, ka fè w kriye
Men, demen, li pral fè w souri
Li blese w grav, li brize kè w
Men yon lòt moun pral ede w geri
Malgre echèk ou yo
Pa jwenn moun ki renmen w, o-oh!
Menm si lanmou fè w monte lesyèl pa do
S'on fado, ou-ouh!
Lanmou s'on lento li ye
Oh-oh-oh-ooh
Lanmou s'on lento li ye
Oh-oh-oh-ooh
Lanmou s'on lento li ye
Oh-oh-oh-ooh
Lanmou s'on lento li ye
Oh-oh-oh-ooh (lanmou, lanmou)