Gopfertaminonemau, si heinis gschnappet
Di hure Tuble mache keini haube Sache
Seit dr Küsu während däm är usem Chare gumpet
Är gseht paar Knarre u paar Bulle wo umefunke
Doch wart, lutlos wird är nid abträtte
är het e Plan, u dä Plan rettet o dr Mättu
är het d'Häng id Luft gstreckt aus wetter sech ergä
Bulle si necher cho und är het chönne d Knarre nä
Niemer weiss genau wie, aber s'het klappet
Am Cop si Waffe gschnappet und ihm no ne Chlapf gä
Dr Küsu balleret, het gmeint es gäb e Vouträffer
Doch d Chugle isch verbi gfloge und ine Boum brätschtet
Äs isch ja schön gis mit öich, dir sit ja geili Fisle
Doch leider zücke mir iz üsi Sibemeilestifle
Di zwe si gsecklet, sogar dr Bolt wär iversüchtig worde
Lug der vor das Dorf, chum mir versteckenis dert bis am Morge
Wo dr Mättu mit em Dietrich het d Türe göffnet, het er
Gwüsst, es wird nid liecht si sech düre z blöffe
Drum het er dänkt är fragi gschidr, öb si ine dörfe
Blibet wo dir sit oder i wirde ds Füür eröffne
Het er e Frou ghört säge-n-u dänkt
Wi schäbig des wär, wes ne so a ds Läbige gäng
Aber är hets de haut riskiert, isch zu ihre häre
Gseit är chönni aus erkläre, het afa ds Gäud uslääre
Ihre Chifer isch abe, si het se inegwunke
Dinne hets nach Chavelwasser gmixt mit Parfüm gstunke
Da hei si checkt si si im Puff glandet, u d Bulle lüte scho
I gloube dine Froue wärde ztüe becho
Rüef ne u schick se zu de Bulle abe
Het dr Mättu zure gseit u mau d Knarre nacheglade
Cash ufe Tisch gleit u gseit lug für di, bitte
Zeig üs e gheime Wäg use vo hie
Ab i Süde, aus abfackle
Keni Uswäge, nume Sackgasse
Was itze? ja nid zrügg luege
Luege nume no füre dert wo si wei ds Glück sueche
Ab i Süde, warmi Luft gniesse
D Bulle-n-am Arsch wo itz ohni Warnig losschiesse
Scho knappi 35 Minute si si gsecklet
Itz no di Gränze überquere, när si si grettet
S'sisch widermau knapp gsi, aber s'het glängt
Si verlöh das Dorf, loufe richtig offnigs Gländ
Ke Bulle wit u breit, d Freiheit di isch zum griffe nah
Vor Chole wo si gstohle hei isch sogar no ne Viertu da
Hmm, was iz? Was isch dr Plan?
Wi weimer iz witer? weimer stöpple bir Outobahn?
Gueti Idee, wöu üs Zwe nähme si eh mit
Im Süde simer sicher wöu dert kennt me nis eh nid
Dume-n-ufe, Chare hautet und si stige-ni
Fahre über Mailand immer witer bis nach Rimini
Si checke i bim erschte guete Hotel wo si gse
Hotel Interpol, diräkt am Meer
Heit nech haut für ds fausche Hotel entschide
Seit er u hocket zfride und schadefroh vor ihne
Dr Richter, hei ged 10 Jahr kassiert
Aber es gseht guet us, im beste Fau sis nume ged vier
Het ihre Awaut am Schluss no konstatiert, mit Siigesmiine
Sones guets Verdikt erdiele suechi sinesgliiche
Wi ner des aues iigfädlet heig sig vom siidefiine
Wünscht ne Glück, geit use, stigt ine wiisse Beamer
Tamisiech, seit dr Mättu zum Küsu, anstatt dr
Schlüssu zum Glück gits itz schlächts ässe u Prügu
Aber üsi Flügu si no nid gstutzt, mir blibe dranne
Lö lönis doch nid la stoppe vo sore banale Panne
Ab i Süde, aus abfackle
Keni Uswäge, nume Sackgasse
Was itze? ja nid zrügg luege
Luege nume no füre dert wo si wei ds Glück sueche
Ab i Süde, warmi Luft gniesse
D Bulle-n-am Arsch wo itz ohni Warnig losschiesse
Scho knappi 35 Minute si si gsecklet
Itz no di Gränze überquere, när si si grettet