S git widr es paar Tracks, zum inechlepfe über di grosse Boxe
Vo dene zwe Giele wo so fräch si dass de wosch ga motze
Mir si nume chli em protze – bling – schnausch es de nid
O we mir em autere si mir bhaute-n-aues im Griff
Mir si mehrdütig wi Echolot mir gö dr Sach ufe Grund
Mit dr Sprach hei mir e Bund, so wi Vater u Suun
Si mehrdütig wine Satz – schribe ne paar
Nämese uf u mache-ne grosse gäge füre-n-i de Charts
Aues klar – mhh – u we nid de spiuts ke Roue
Häbet Vertroue – üsi Lieder wärde nech uufboue
Vili Lüt choufe-n-üses Aubum sogar ungschouet
I ha scho Lüt ghöre säge – s heig se ged umghoue – damn
Outentizität aus Rezäpt
Gmischt mit Soul und Skillz – bewege mir üs fern vo Fettnäpf
öb Hobbitz oder Kai & Dimi: me schetzt se
Houptsach das ihri Lieder vougas dür d Boxe chlepfe
Chum mir näme no-n-e Schluck, chli säubschtüberschetze
Nacheme Schluck hei mir ds Gfüu sige di Beschte
Sige di Freshischte, di Kressischte, immer
Erscht uf dr Geschtlischte eifach di Beschtischte
Chum mir näme no-n-e Schluck, chli säubschtüberschetze
Nacheme Schluck hei mir ds Gfüu sige di Beschte
Sige di Freshischte, di Kressischte, immer
Erscht uf dr Geschtlischte eifach di Beschtischte
Tja, wemer los lege, de legermer richtig los - äs git kes haute me
Heit aui Sorgefaute wüu dr aui gäge-n-üs aut usgseht
Dir weit so chrampfhaft ga Hits schribe das weh tuet
Hingäge mir - schüttle dä Shit gd usem Ärmu
Kene machts so wi mir - da si mir o froh drüber
D'Schwizer Szene vertreit nid no meh vo dene Ohrwürmer
Kaiser & Dimitri bringe dir immer nöi Lieder
So heissi Lieder - üsi Fans bechöme aui Fieber
Mini Beats si so sick mues dr grad es Medi iflösse
Am Mik bini dick, si sägemer Mc Frittöse
ä dumme Schwizer und e verblödete Griech
Bringe mit knapp 40gi ihri beschte Texte ad's Liecht
Wär hät das scho dänkt
Di Bärn Räp Verträter gäbe nech äbä nes Gschänk
I form vo fette Träcks mitemene schäbige Glänk umne Hinkebei
Stöh mir uf dr Büni schicke-n au di Misepeter grad wider hei
Chum mir näme no-n-e Schluck, chli säubschtüberschetze
Nacheme Schluck hei mir ds Gfüu sige di Beschte
Sige di Freshischte, di Kressischte, immer
Erscht uf dr Geschtlischte eifach di Beschtischte
Chum mir näme no-n-e Schluck, chli säubschtüberschetze
Nacheme Schluck hei mir ds Gfüu sige di Beschte
Sige di Freshischte, di Kressischte, immer
Erscht uf dr Geschtlischte eifach di Beschtischte