Weisch was i an dier so mag?
S'isch nid, "s'Morgenrot daher"
Nid, "s'Basel a mim Rhy"
Und au nid, "s'Vieux Chalet"
Wohl au, "d'Sur la montagne"
Wo der Lawine abägschpüelt isch koo
Weisch was i an dier so mag?
Nid dä Drang äntlich derbi z'si
Nid dä Dräh, immer fein raus si
Nid mal s'WEF z'Davos
Wo's alli so guet meined
Und d'Wält mit irne Wörter z'Bodä rettä tüend
Holi joli joli joli joli joli joho
Weisch was i an dier so mag?
Nid d'Novartis mit dä Droge
Nid d'Nestle mit der Milch
Und au nid d'UBS
Wo mit dä Nötli wädled
Und d'Stüüritriiber in dä Wahnsinn triibt
Der Käs isch's au nid
Und nid d'Uhre, nid der Franggä und d'Miss Schweiz
Der Boromini nid, der Segantini nid
Und Schoggi äss i wenig
Weisch was i an dier so mag
S'isch der Blick vom Pestalozzi
D'Hand vom Henri Dunand
Und der Hungerstreik vom Bruno Manser
Wo dä Schal hät glismet, wo eimal um di ganzi Wält isch gangä
Weisch was i an dier so mag?
S'isch das Lache vo mim Nachber
Wänn si Geiss mi Hanf hät gfrässa
Und äs Bild sich vor mer uftuet
Vom ä Drogefreie Winter mit Radio DRS und Kaffi Incarom
Holi joli joli joli joli joli joli joho
Weisch was i an dier so mag?
S'isch dä Flägg vor minem Huus
Dä Stei, woni druf hoggä
Und dä Zwätschgabaum wo wachst
Wänn i für minä Schatz, die heisse Keschtänä zum Füür us hol
Der Käs isch's au nid
Und nid d'Uhre, nid der Frangge und d'Miss Schweiz
Der Boromini nid, der Segantini nid
Und Schoggi äss i wenig
Holi joli joli joli joli joli joli joho
Der Boromini nid, der Segantini nid
Und Schoggi äss i wenig
Holi joli joli joli joli joli joli joho
Der Boromini nid, der Segantini nid
Ho ho ho ho ho ho...