Dreidausendsibbehundert Jramm
Zwei Hand vull Minsch, verdötsch und klamm
Un op dä Welt häs do die allerschönste Mamm
Sühs noch nit vill, vum janze Spill
Schlöfs in, ich luur dich aan un ben still
De Welt bliev drusse, ejal wer jetz jet will
Un ich versprech dir huh un hillich
För dich jonn ich ejal wie wick
Draach dich och naaks, helf dir beim Laufe
Zeich dir die Welt vun ihre schönste Sick
Su e Jeföhl kann mer nit kaufe
Die Zick steiht still, ne Aureblick
Sulang dat Hätz he schläät
Sulang schläät et für dich
Du wirfs mi Lääve us dä Bahn
Un alles fängk von vürre aan
Un für nix op he dä Welt jöv ich dich zoröck
Wie du ming janze Welt verdriehs
Rotzfrech, fidel un zuckersöß
Du määs mich wahnsinnich, fäädich un verröck
Du määs mich wahnsinnich vür Jlöck
En Hand su jruss wie ne Heiermann
Un ich lääch dir ming Welt zo Föösse
Wööd alles dofür dunn, dat se et joot meint met dir
Du brings mich öm minge Schlof
Ich ben immer mööd, doch wenn du lächels
Han ich dat jeföhl dat ich vür Jlöck zerplatze muss
Un ich versprech dir huh un hillich
Ich lieb dich mieh, vill mih wie mich
Su lang dat Hätz he schläät, sulang schläät et för dich
Du wirfs mi Lääve us dä Bahn
Un alles fängk von vürre aan
Un für nix op he dä Welt jöv ich dich zoröck
Wie du ming janze Welt verdriehs
Rotzfrech, fidel un zuckersöß
Du määs mich wahnsinnich, fäädich un verröck
Du määs mich wahnsinnich vür Jlöck
Du wirfs uns Lääve us dä Bahn
Un alles fängk von vürre aan
Un für nix op he dä Welt jövve mer dich zoröck
Wie du uns janze Welt verdriehs
Rotzfrech, fidel un zuckersöß
Ding Mamm un mich määs du fäädich un verröck
Mer sin su stolz op dich
Du määs uns wahnsinnig vür Jlöck