Schon en d'r Jrundschull fing et för mich an
Jemerk, dat ich nur Aure för dich han
Wann ich dich soh, wullt ich d'r imponiere
Doch dät mich dobei miestens nur blamiere
Ich hat jehoff do luurs ens zo mer hin
Doch ich gläuv, do häs mich nie jesinn
Un et es nix passiert
Denn du wors nit an mir intressiert
Un doröm es och nix passiert
Unendlich off han ich et probiert
Nie es jet passiert (uh-uh-uh-uh-uh)
Nie es jet passiert (uh-uh-uh-uh)
Do häs et domols einfach nit kapiert
Ich wor schon immer vun d'r fasziniert
Keiner braht mich su wie du zom Laache
Nie jetraut dä eetste Schritt zo maache
Ich hat jedaach, do häts mich nie jesinn
Un manchmol luurt ich heimlich zo d'r hin
Doch et es nix passiert
Jedaach du wörs nit interessiert
Un doröm es och nix passiert
Woröm häs du et niemols probiert?
Nie es jet passiert
Sickdäm verjinge 15 Johr
Doch ich hat dich direk erkannt
Do bes em Rään vorbeijerannt
Ich weiß noch do hats nasse Hoor
Hat dir ming Jack överjelaht
Un dich zu dinger Bud jebraht
Un dann es endlich jet passiert
Do wors op einmal sehr intressiert
Un et es endlich jet passiert
Wie off han mir et vürher probiert?
Un dann es endlich jet passiert
Do wors op einmal sehr intressiert
Un et es endlich jet passiert
Wie off han mir et vürher probiert?
Un dann es et passiert
Na-na-na-na-na-na-na-na-na-na (uh-uh-uh)
Na-na-na-na-na-na-na-na-na-na (ohh jet passiert)
Na-na-na-na-na-na-na-na-na-na (uh-uh-uh)
Na-na-na-na-na-na-na-na-na-na (uh yeah)
Un dann es et passiert