Die Leit san so mechanisch
Owa eh nur hoib so tragisch
Foaht ana geng die Waund
Jo daun sogt eam des is Navi
Tät i, hätt i, wari
A menschliche Safari
Da Stoake frisst in Schwochn
Gaunz normal do gibt's ka Panik
Drum weidatuan ois wa nix
Weu tuast wos bist allanig
A jeder guade Fülm
Braucht a bissl Hauch vo Tragik
Weus eigentlich sunst fad is
A jeder suacht an Schmarties
Des Lem besteht aus
Hackln, liagn, betriagn und a poa Partys
Und du tuast so ois wa nix
Schau i auf links, siech i Leit mit nix zum fressn
Schau i auf rechts, siech i Leit die si dasteßn
Schau i noch unt, waß i sofuat wo i hi ghör
Und wos vo obm kummt, passiert hoffentlich niemehr
Schau i auf links, siech i Schützn auf an Dachl
Schau i auf rechts, siech i weiße Fahnen wachln
Sie schaun noch unt, kummen drauf do is a Mine
Es geht bumm und is G'schäftl rennt auf Schiene
Weckt's mi auf
Waun des Ölend nimmer is
Weckt's mi auf
Wauns kane Nochrichte gibt
Weckt's mi auf
Waun i wos guades vasam
Weckt's mi auf
Waun i des Lem daun dazah
Schau des Kind do mit da Krochn
Hot valernt zum Lochn
Sei Voda hot wos foisches glaubt
Desweng homs eam daschossn
Geh sog ma wie wüst schlofn
Beim Wirbe vo de Bombn
Das bissle letzte Rest vo Mensch
Hot si vasteckt in Katakombn
Und wir huckn do
Mit eckige Augn
Zinsen im Schädl
Und an vü z'sbladn Bauch
Des geht uns nix au
Wos im Fernseher rennt
Is a Nochricht vom Fülm
Und ka richtiger Mensch
Weckt's mi auf
Waun des Ölend nimmer is
Weckt's mi auf
Wauns kane Nochrichte gibt
♪
Weckt's mi auf
Waun des Ölend nimmer is
Weckt's mi auf
Wauns kane Nochrichte gibt
Weckt's mi auf
Waun i wos guades vasam
Weckt's mi auf
Waun i des Lem daun dazah