Es is a ewige Liebe, die mi niemals verlosst
Präziser als die Maschin, in die'st bam Kiwara blost
Massiver als jedes Fertigteilhaus, des du dir baust
Wer is a? Da Dialekt, der in dir steckt, den du host
Des is a Eigenschoft, a Teil vo dir, a Stück deiner Söbst
Des is a Leidenschoft, du beichtest mit dem, wie du di fühlst
Dei Dialekt, der geht ned weg, egal wie sehr'st di bemühst
So wie a dreckig's Häfnpeckerl, wo ka Laser nit hüft
Trog ihn mit Stolz, wie a Medaille am Siegerpodest
Wenn's ihn ned wuit's, ereilt eich meinerseits massiver Protest
Weil wos ihr sollt's, is sein wia's seid's und net wia irgend a Rest
A Scheitl Holz, des si nit spoitn losst, nur dass'd mi verstehst
Und es geht
Jodijodiodijodio jodiojodiooo
Jodijodiodijodio jodiojodiooo
Es is egal, ob du an Osteinschlog host oda du böllst
Nur es gibt nix peinlichers, wie wann's di verstöllst
So wie a foischa Freind, der Bledsinn deiner Oidn dazöhlt
So wie a Wiener, der im Buschenschank a Hoibe bestöllt
So wie a deutscher Skitourist, der si am Tellerlift quält
So wie a Landbua, der im Burgtheater Witze dazöhlt
I bin a Saubauernsinger, I a gscheada Prolet
Hob mehr Talent im klanen Finger ois jeda Hauptstodt-Poet
Und an klanen Tipp geb'n mir eich dringend mit auf'n Weg
Geil muass's klingen und si singen, scheißegal, wer's vasteht
Und klor solltest im besten Foi, die scheane Sproch erkenna
Nur a scheana Rahmen mocht a schiaches Bild nit scheana
Und es geht
Jodijodiodijodio jodiojodiooo
Jodijodiodijodio jodiojodiooo
Jodijodiodijodio jodiojodiooo
Jodijodiodijodio jodiojodiooo
Jodijodiodijodio jodiojodiooo
Jodijodiodijodio jodiojodiooo