Хээе еээ яаа ааа
Нэгэн сайн хүн аавтайгаа цуг амьдраад
Нэгэн үеийн найз шиг тэд найзлана
Хүү нь аавынхаа хайранд өсч том болоход
Хүрэх алсад одохоор аав нь тэнгэрт буцна
Аавын захиас
Миний хүү нэрээ хичээ
Өөрийн үйл хэргээ түүх болгон бич ээ
Аав нь залуудаа зөндөө алдсан бас оносон
Унасан нүхэндээ ч ахиад бүдэрсэн
Унах аюул биш ээ босох зориг гол нь
Урд таарсан бэрхшээл бүрийг давах гол нь
Ойрын биш холын хараатай бол холыг зорино
Орчлон хорвоог эхлээд таниж авах нь хамгийн гол нь
Өнөөдрийн чиний тарьсан үр тариа
Маргааш хүрэх чиний зорьсон бариа
Өнгөнд автсан дэлхийг өөрчлөх хүсэл зориг
Бадарч асвал хүү минь тэр бол чиний хувь заяа (Хувь заяа)
Авах гэж биш өгөх гэж амьдар
Аав нь тэгж чадаагүй ээ
Амархан биш гэхдээ чи чадна
Аав нь хүрч амжаагүй ээ
Өөрчил дэлхийгээ
Өөрчил дэлхийгээ
Үзэсгэлэнт охид нүдийг чинь булаана
Өнгө мөнгөөр хэмжээд нүүр чинь улайна
Гэвч тэднийг бүү гомдоо зүрхийг нь олж нээ
Зүг нэг нь таарч хань чинь болно шүү дээ
Эмэгтэйн нүднээс бөмбөрөн унах нулимс
Гунигийнх бус хайрынх бас баярынх байвал
Эр хүн болжээ гэж ээж чинь баярлах
Энгийн хайраас эхлээд чиний зам чинь нээгдэнэ
Мөнгө бүү тойр, үйл хэрэгт зорь
Зөвхөн мөрөөдөөд хэрэггүй өөрийгөө сорь
Уурын мунхаг бол тэнэгийн тунхаглал
Чи бол ухаантай, аавынхаа бахархал
Бодож бай! (Бодож бай!)
Бодолдоо үнэнч бай!
Үг хэлсэн бол түүндээ эзэн бай! (Бай! бай! бай!)
Өнгөт ертөнцийг өөрчлөх зориг
өөр хүнээс биш чи өөрөөсөө хай
Авах гэж биш өгөх гэж амьдар
Аав нь тэгж чадаагүй ээ
Амархан биш гэхдээ чи чадна
Аав нь хүрч амжаагүй ээ
Өөрчил дэлхийгээ
Өөрчил дэлхийгээ
Өөрчил дэлхийгээ өөрийнхөөрөө
Өөрчил дэлхийгээ