انا مش همنعك . امشي زي ما انت عايز
جايز اتعب بعدك بس هعيش و اكمل عادي
مش هوقف عليك حياتي و بكرة هبقى تمام
ما انت اللي زيك يتنسي في دقايق مش ايام
انا مسألتش عن حالك ولا حتى هاممني مالك
بإختصار بُعدك مش نار محبتكيش عشان انساكي
علاقتنا كانت تسليه لا كنت ليكي ولا انتي ليا
لما اسيبك هقدر اعيش تمام و ميه ميه
هان عليك كل اللي بينا ؟
مكانش بينا حاجه اصلاً
سهل بالنسبالك تنسى ؟
انسى ايه ولا حاجه حاصله
كل اللي فات اونطه كان حياللـه مسلسل
لو فاكر اني هضيع من بعدك لا تبقى مُغفل
انا هقدر ابقى بخير و اكمل مش هغير فيك و اجمّل
انت اللي ضايع بعدي جرّب بقى و استحمل
عندك حق انت مكنتش معايا فـ اكيد مش هودعك
طالما انت من البدايه هتبعد إبعد مش همنعك
جيتلك و عارف ان صعب نرجع تاني
جيتلك و عارف مش طايقاني ولا عايزاني
بعدك زادت احزاني . و قلبي بقى بيعاني
حسيت بقيمتك رغم إنك خلاص بقيتي بايعاني
دلوقتي راجع ناوي تقلب في المواجع ؟
زعلان ان انا بايعاك و انت اللي من البدايه بايع
ندمان و ايه اللي شافع . ازاي عايز نتعاتب ؟
رجوعنا مبقاش نافع ده العين مبتعلاش عـ الحاجب
انا فعلاً اسف
و انا مش هينفع انسى و اسامح
حتى لو بتموت قدامي جرحك ليا مكانش امبارح
حقك عليا
خلاص معادش شئ بـ إيديا
كل يوم بفتكرك غصب عني و بتدمع عينيا
كل يوم بفكر و اسرح في صورنا و اشوف و ادقق
اكدب على واحده غيري ده مهما تحلف مش هصدق
اديني فرصة تانية و ننسى الغلطه اللي غلطتها
الفرصة كانت في ايدك بس انت اللي ضيعتها