يا بابا
انا كانت ازمتي الطيابه
كان قلبي نضيف زمان لكن دلوقتي بقى خرابه
يا بابا
عاقبني خلاص راضي بـ عقابك
صعبت نفسي عليا اما القهوجي سألني . فين صحابك ؟
قوللي متنزلش الشارع تاني عشان مليان ناس وحشه
ياريتني سمعت نصيحتك ابنك كان عبيط و بينسى
شوفت عيال بيسبوا الدين
فاكرين إن دي حاجه روشه
و رجاله الحريم سايقينها و من الحشيش انفاسهم نجسه
محدش هيحبك في الدنيا قد ابوك و امك
الدنيا كانت لعبة خلاويص و حضن امي الامه
قالوا " الكداب بيروح النار " و كدبوا عليا هما
القرش مبيعملش الراجل بس يجيب الحُرمه
احنا ازاي فرحانين و اسعد واحد فينا حزين ؟
ليه كل الناس عاملين ملايكه و جواهم شياطين ؟
بالاحزان متحاوطين و نقول " تمام " و الحاله طين
ادينا عايشين ميتين و بنترحم عـ الميتين
انا حد كل حبايبه سابوه
كدبوا و كدّبوه و عوّدوه انه وسط همومه يتوه
قالوله " الراجل ميعيطش " و برضو عيطوه
و دي اخرة اللي يغلط و ميسمعش كلام ابوه
انا حد كل حبايبه سابوه
كدبوا و كدّبوه و عوّدوه انه وسط همومه يتوه
قالوله " الراجل ميعيطش " و برضو عيطوه
و دي اخرة اللي يغلط و ميسمعش كلام ابوه
يا بابا
متسألنيش ايه اللي صابك
قالولي " جمبك " بس بعدوا و طلعوا ناس نصابه
يا بابا
خدوا مني حلمي مش بـ رضايا
عملوا زعلوا عشاني في وشي و ضحكوا عليا من ورايا
اصحاب انا و انت ولا بيعت العِشره و بتتخلى
لما شوفت ان انا زعلت جيت زودت الطينه بله
حكيتله و هو اتريق
بقى همي شئ بيزهق
مش هشكي غير للمولى الشكوه لغير الله مذله
و الدنيا ديا هدتني
فديته بـ روحي و موتني
كل الاحزان دي خلتني
مثقش في اي حد
نفعتك و انت ضرتني
قسيت عليا و اذتني
ازاي بسهوله انت نسيتني
مش كان ما بينا وعد
و الجرح ده
خلى القلب يفوق من الاوهام
الكل باع محدش قال " هيفضل جمبي " و دام
من غير سلام ما مشوفتش منك اي سلام
هطفي الشمعه زي ما طفيتني بكل هدوء و اخش انام
انا حد كل حبايبه سابوه
كدبوا و كدّبوه و عوّدوه انه وسط همومه يتوه
قالوله " الراجل ميعيطش " و برضو عيطوه
و دي اخرة اللي يغلط و ميسمعش كلام ابوه
انا حد كل حبايبه سابوه
كدبوا و كدّبوه و عوّدوه انه وسط همومه يتوه
قالوله " الراجل ميعيطش " و برضو عيطوه
و دي اخرة اللي يغلط و ميسمعش كلام ابوه