انا المره دي مش هعاتبك ولا هقولك نرجع
بكرة الدنيا تعلم قلبك ان كسر القلب بيوجع
بفتكرك لسا بس ترسى زي ما ترسى
قالت " انسى " و محستش بـ دموعي اللي حابسها
لا حاسه . بس افهم ان الحب مش بالعافيه
كان طريقك مليان شوك و كنت ماشيه حافيه
ولا مره اتطمنت معاك ولا حتى ارتاحت ثانيه
متحاولش بقى تفكر فيا علشان انا اصلاً ناسيه
بسهوله كده . لا اسهل من ما انت متخيل
ده انا حبيتك . حبك مش كفايه لا قليل
بقى دي اخرتها فاكره كسر القلب هيّن
انا عايزه فلوس تعيش . مش عايزه زوج حنيّن
و الله خساره فيكي الحب و خساره العتاب
لما قالولك " كان بيحبك " قولتي لا بيصرف ولا جاب
مبقتش اصدق حد بعدك كله في عيني كداب
خايف احب تاني و تطلع زيك فـ انا تربست الباب
انا مش مصدق بعد ده كله انك قلعتي الدبله
هو انا كنت بدعي غلط ولا بصلي عكس القبله ؟
ازاي حلفتي كدب ؟ . انتي لا عندك دين ولا مله
و ازاي مش حاسه بيا ؟ . هي البعيده جبله
لا مش جبله . بس انت محيلتكش الا دبله
و بصراحه كده تعبت و الحياة معاك ممله
مش عايزة نكمل شوفلك سكه و همشي في سكه غيرها
اما بقى لو على الذكريات فـ بلاش تفتكرها
عاشرت كلاب فـ كان من الطبيعي اتعض
صورنا متمسحتش انا اللي اتمسح بكرامتي الارض
كان حبك فرض . بس حبي نهايته الطرد
بس بجد انا فرحانلك ربنا يخليكوا لبعض
بلاش تجيبها فيا انا مرضيتش اعيش مأذيه
النصيب كان اقوى مني و منك فـ انا كرهتك فيا
خليتك كل يوم تلعني و تدعي عليا
عشان حياتي معاك بجد مكانتش تنفع ليا
و مكانتش تنفع ليه ؟ . ده انتي مكانش فيكي ميزه
انا حبيتك اما هو عايزك شهوه او غريزه
بلاش تكوني ظالمه معاه و ياريت تكوني حريصه
و قانون الحياه اي حاجه تمامها فلوس رخيصه
باركولك ولا حكولك اني بموت بدونك
ولا قالولك انك " خاينه " و انا عبيط صدقت عيونك
بكره يسيبك لما يعرف عيبك بكره تبقي بطولك
مع انك واطيه كنت كتير بشب و مش بطولك
انا مش مصدق بعد ده كله انك قلعتي الدبله
هو انا كنت بدعي غلط ولا بصلي عكس القبله ؟
ازاي حلفتي كدب ؟ . انتي لا عندك دين ولا مله
و ازاي مش حاسه بيا ؟ . هي البعيده جبله
لا مش جبله . بس انت محيلتكش الا دبله
و بصراحه كده تعبت و الحياة معاك ممله
مش عايزة نكمل شوفلك سكه و همشي في سكه غيرها
اما بقى لو على الذكريات فـ بلاش تفتكرها