Inne rre Ferdinandu all'arcu te Pratu
Lu sindacu tisse presciatu:
"Maestà, quistu è l'arcu"
E iddhru te bottu respuse "che me ne fotto!"
E de tale momentu
Rumase alla storia
Sta frase ca cantu cu boria
E ùi puru cantati cu mie stu sturnellu
Ca dènta ddaveru chiù bellu
Sìmu leccesi core presciatu
Sòna maestru arcu te Pratu
La culonna alla chìazza te sieculi ausata
La òsera a 'nforza spustata
Santu Ronzu perieddhu s'à fattu capace
Ca nuddhru aqquai lassanu a 'mpace
Da quei libertini Fanfulla e Peppalu
Fujiu Garibaldi a cavallu
E lu Santu ce à ddire "mo' è miu lu pasticciu
Ma basta ca a 'nterra nu' spicciu"
Sìmu leccesi core presciatu
Sòna maestru arcu te Pratu
La uagnona te mòi, tutta quanta pittata
'Nci tène a nu' bessere asata
Ma lu sforzu lu face, se quarche carusu
àe prima nì stuscia lu musu
Pigghiànduci gustu lu scrupulu passa
E 'ntorna 'mbrazzare se làssa
E poi rite cuntenta uardandu l'amatu
Quandu èsse te facce 'nquacchiatu.
Sìmu leccesi core presciatu
Sòna maestru arcu te Pratu
Sìmu leccesi core presciatu
Sòna maestru arcu te Pratu