Kan hal ning bangin
Na tuah khawh ka hngalh
Kanaan khua nupi thitnak puai ah ti thiang cu
Misur zuu na can ter bang
Hi a kuai mi thinlung
Na damh khawh ka hngalh
Merry le Martha an mitthli tlak na hmuh i
Lazaruh na thawh ter bang
Siseh zumhtlak saltha Job hmanh hneksaknak nih
A ngaihchiah dihlak a kalpi
Bawipa nang ca'h zumhtlak ka si hngalhnak dingah
Hi hneksaknak ka ton si ahcun
Olive kung zong tlai loin um hmanhseh
Kawm chungah satil zong um hlah hmanhseh
Bawipa nang ahcun ka lawm zungzal ko lai
Na velngeihnak ruat in
Thaizing ka nun ah
Khua na khaan ka hngalh
Van va men chim le relthiam lo langak hmangin
Elijah na cawm bang
Zumhnak hmebik hmanh nih
Tlang thial khawhnak a ngei
Kum hleihnih thi chuak nu na puanki tonghnak in
Damnak tling a hmuh bang
Siseh nunnem Joseph hmanh nih hlawt a tong i
A tuah lo sualnak puhin thong an khumh
Bawipa kei ca'h zumhtlak na si hngalhnak dingah
Hi hneksaknak ka ton si ahcun
Olive kung zong tlai loin um hmanhseh
Kawm chungah satil zong um hlah hmanhseh
Bawipa nang ahcun ka lawm zungzal ko lai
Na velngeihnak ruat in
Ka halmi le ka hmuhmi i dang hmanhseh
Ka ruahmi le ka tonmi khat lo hmanhseh
Bawipa nang ahcun ka lawm zungzal ko lai
Na zaangfahnak ruat in
Thil pakhat te ruangah na sin phunzai ning ka ti ah
Thonghra leng na thatnak chim le phuan cawk lo ka ngei
Zungzal nunnak ram ah nang he len ti nak dingah
Hi hneksaknak ka ton ahcun
Olive kung zong tlai loin um hmanhseh
Kawm chungah satil zong um hlah hmanhseh
Bawipa nang ahcun ka lawm zungzal ko lai
Na velngeihnak ruat in
Ka halmi le ka hmuhmi i dang hmanhseh
Ka ruahmi le ka tonmi khat lo hmanhseh
Bawipa nang ahcun ka lawm zungzal ko lai
Na zaangfahnak ruatin
Zumhtlak na si nak ruat in...