Kantatzera noazu bertso bat edo bi
Jarriak gaur egungo jende arruntari
Antonio Lorentxa Slodovan Javi
Zarrak berri direnik ez ukatu neri.
Sofan esnatu eta lenbiziko gauza
Adurra garbituta kentzen ditut galtzak
Telecinco luzeak bai dira arratsak
Dutxan kenduko ditut loaren lorratzak.
All-brana gosalduta horrekin batera
Ahal badet behintzat noa komunera
Aurrian ipada ta atzian papera
Kaka pilla irakurriz ilustratzen gera.
Etxetik inemera noa nahiko mantxo
Ibexak puntu t'erdi galdu zuen atzo
Illadan bi rumano eta hiru gautxo
Abasto eman ezinda dabil Don Alfontso.
Gaizkia gauzatu da hau da komeriya
Agfanistanen gerra bukatu da iya
Tokatzen baldin bazait aurten loteriya
Zerbait erostekotan Mercedes berriya
Domeka hontan al da botoen feriya
Ongi ikasi nuen kobratzen beltzian
Billetei kontutzen txekia aldatzian
Haziendako aiziak beruak baizian
Ederki egoten zan sofaren atzian.
Ni plana egina naiz alabak hazteko
Karrera ta masterrak zuzen ikasteko
Alemanian edo lanian hasteko
Bada aita nahikua bazterrak nahasteko.
Semeen alabetatik alaben semiak
Batzuk amak dianak bestiak neuriak
Inseminazioak ta sorginkeriak
Ez du beti agintzen jaunaren legiak.
Gaurko eguna ere bota degu bada
Jende estresatua gauza ederra da
Asko gustatzen bai zait starluxen salda
Dizienbrean hasten da eneroko malda.
Enaiz ni jende txarra baina ze arraio
Leo Messi izateko ez bai nintzan jaio
(Pokerrian egin det majina bat saio
Pizza indibiduala afaldu det iaio).
Orain sofara nua bihararte aio!
Bihararte aio!
Bihararte aio!