Kishore Kumar Hits

Cairokee - Neaady El Sharea Sawa şarkı sözleri

Sanatçı: Cairokee

albüm: Nas W Nas


مسكت إيديها عشان نعدي الشارع
بعينيها قالتلي مفيش مانع
عملت عبيط أكيد وفضلت ماسك
بصتلي بصة حادة وقالتلي حاسب
قلبت الموضوع في ثانية هزار
خدتها السينما عزمتها على فشار
والفيلم كان أكشن جبار
والبطل فيه كالعادة بيكسب الأشرار
ياما نفسي الفيلم يخلص والنور ينور
خايف أقرب أكتر خايف أتهور
مش عارف أصدق ولا عارف منين ابدأ
مش عارف أفكر متوتر مش عارف أعبر
مستني اليوم ده أنا من زمان
أفتح قلبي وأقولها كل الكلام
مستني اليوم ده أنا من زمان
أفتح قلبي وأقولها كل الكلام
وأمسك إيديها ونعدي الشارع سوا
♪
عدينا الشارع ودخلنا في تاني شارع
توهنا في الزحمة وشفنا الدنيا أحلى
الشارع لينا وأول مرة لوحدينا
فجأة طلع علينا عيال ولاد لذينة
عملت معاهم السليمة ونمرة عليها القيمة
بصتلي بصة خطيرة معانيها كتيرة
زي الواد بتاع الفيلم الأكشن الجبار
لوحدي هزمت كل الأشرار
عملت عبيط تاني وحاولت أتمادى
بصتلي بصة حادة والمرة دي بزيادة
قلبت الموضوع بهزار كالعادة
قالتلي لم الدور وروح يا حمادة
مستني اليوم ده أنا من زمان
أفتح قلبي وأقولها كل الكلام
مستني اليوم ده أنا من زمان
أفتح قلبي وأقولها كل الكلام
وأمسك ايديها ونعدي الشارع سوا
قلتلها كل حاجة وقلتلها الحقيقة
وزي الفيلم النهاية كانت سعيدة
ردت وقالت وأنا كمان
نتقابل بكره في نفس المكان
مستني اليوم ده أنا من زمان
أفتح قلبي وأقولها كل الكلام
مستني اليوم ده أنا من زمان
أفتح قلبي وأقولها كل الكلام
وأمسك إيديها ونعدي الشارع سوا

Поcмотреть все песни артиста

Sanatçının diğer albümleri

Benzer Sanatçılar