Kishore Kumar Hits

Ahmed Mekky - Taraqt Baabak şarkı sözleri

Sanatçı: Ahmed Mekky

albüm: Asloh Araby


يا الله
كان نفسي اعيش طفولة
من صغر سني بشتغل بتنطط من شغلة لشغلة لحد سن الفحولة
ما انا اصل عيلتي اتفككت بدري ومش بيدي
عيشت فيلم دراما طويل خدت فيه دور البطولة
بقيت راجل البيت عندي 12 سنة
يارب قدرني اوري امي ايام هنا
شغلى فى طفولتى نشفلى عضمي تمام
تشهد نوادي الفيديو وسوق القلعة والحمام
سوق الجمعة اللى اتعلمت منه ياما
دروس فادتني وهتفيدني لحد يوم القيامة
الدنيا صراع في صراع
كله بياكل في كله
ومعنى الطيبة ضاع
اشكي لمين واقوله
الدنيا مالها قلبت غابة
الأرنب فيها مالوش مكان
والغلبة بس للديابة
لو سلمت دماغك للفكرة هتعيش كئابة
اقولك ع اللى يخلي الفكرة تمر مرور سحابة
اسمع
دوام الحال من المحال
صدقني بكرة الشمس تطلع مهما ليلك طال
مهما مراكبك عطلت وقفت ما تكتئبش
سيبها على الله واتوكل صدقني بكرة تمشي
طرقت بابك يا الله
طرقت بابك يا الله
رزقه اتقطع أو رزقها
اتصاب بأمراض مش قدها
ودعت ناس من كل قلبك كنت تحبها؟
في دول مسير مش بيدك ولا بيدها
كل اللى في إيدك تسعى وتدعى ربك فكها
هو الوحيد اللى في إيديه مفتاحها وحلها
مش ممكن أبدًا هيضيع جهدك أو جهدها
ولو حسيتها قفلت وهمومك كترت عليك
ما تقولش ربي غضبان يمكن من حبه فيك
قفلها جامد عاوزك تفتكره اصلك نسيت
لو مش بيحبك كان سابك ما كان خلاك صحيت
عاوزك ترجعله أصلك وحشته وتقول يارب
ربك عظيم مجيب كريم ما بيرفضش الطلب
بس انت روحله خطوة هيجيلك خطوتين
خلق مفهوم الرحمة واسمه رحمان رحيم
كله بيعدي العمر بيجري اسرع من النسيم
سلمله أمرك واتوكل وارضى هتدوق نعيم
طرقت بابك يا الله
طرقت بابك يا الله
♪
يا الله

Поcмотреть все песни артиста

Sanatçının diğer albümleri

Benzer Sanatçılar