ف يوم قاعد ف كوفي شوب بشرب قھوة وسيجارة
سرحت قفلت عيني زرت ذكرياتي زيارة
سرحت فى قد ايه الدنيا دى واطية وغدارة
وان حب الناس ٩٠٪ منو تجارة
وده مش كل الى افتكرته ده عصارة العصارة
اصلي افتكرت فترة ضعت فيھا ودقت خسار
على رأى ست كبيرة فى حتتنا الدنيا خيارة
اسمع منى الحدوتة دى وافھم معنى العبارة
شاب زى كتير شباب
طريقه مكسر مش باينله فيه غير الضباب
الإكتئاب صايده وناھشه نھش ديابة وكلاب قرب يتجنن
ليه دايما النتيجة سودا ھباب
دا انا من صغر سنى بسعى وباخد دايماً بالأسباب
كل اما اوصل لحاجة بتبعد زى السراب
تايه في دنيا سوده بىحكمھا قانون الغاب
راس مالي فيھا صحه وامي وشويه صحاب
حتى الصحاب من اﻻكتئاب اغلبھم ادمن
تحت التراب مكانھم اﷲ يرحمھم واتقفل الباب
صعب جدًا احساس ان انت تدي تدي ومتلاقيش
وتكمل الطريق من غير امل عليه تعيش
كل يوم زي اللى قبله شغلة شكل وما بتمشىش
اشتغلت كل حاجة كان ناقصنى اكون شاويش
لحد ما اشتغلت فى نادي فيديو وعشقت السيما، تاريخي
عربي أجنبي، حديثة أو قديمة
كل المطلوب انك تعرف تحكى حدوتة
من كان ياما كان لحد كلمة توتة توتة
فكرة حكى الحدوتة فى حد ذاتھا جت شدتنى
جراب تاريخ حياتي مليان خبرات فادتنى
كل اللى شوفته فى طفولتى وفي شارعي حتة مني
درست سيما قولت اعبر عنھم بس بفنى
افلامى فى المعھد كسبت فى مصر وبره مصر
قولت الحمدلله، اخيرا دوقت طعم نصر
وفعلا أول ما اتخرجت روحت اخرج أول فيلم ليا
اصغر مخرج فى مصر وفى كل الدول العربية
الله
دا شكل الدنيا بتضحك ليا
ودعت الميكروباس وجبت لنفسي عربية
روحت اشتركت فى جولدز وسيبت انا نادى الطلبية
ومن تلات صحاب بقوا ٦٠، ٧٠ و ١٠٠
اضرب كمان فى ١٠٠ واضرب كمان في ١٠٠
آمنت للدنيا وسلمت وقولت مية مية
ونسيت ان الدنيا دار ابتلاء ودي بلية
خدت الخازوق الصح وخوازيق الدنيا مغرية
نزل فيلمى فشل محدش شافه
اخدت صدمة، اديتنى الدنيا ظھرا وشلوت وبوكس ولطمة
مولد واتفض
محدش جوه قلبه رحمة
مش ممكن تعرف مين صحبك بجد اﻻ فى المحنة
رجعت حياتى اسوأ م اﻻول، بعت العربية
والميكروباس اجرته زادت شوية
بمرور الوقت فلوسي طارت طارت
وبقيت مديون، ما بقيتش عارف ايه تصنيفى عاقل او مجنون
وفي يوم تعبت سخنت عرقت فى السرير نمت
قالى الدكتور اوعاك يا ابني تزعل قولتله زعلت
ما انا اصلي وقعت فى كدابين الزفة ومنھم اتعلمت
في ناس تحبك وانت عالى بس تسيبك لو وقعت
اتأثر الدكتور ساب الشنطة ومسح عنيه
بص في عينيا تايه مش عارف ھيرد بايه
طبب عليا وقالى فيه مثل قالوه زمان
صحبك بجد اللى يفديك بنفسه فى الطوفان
مش ھو بتاع القعدة الحلوة الضحكة والدخان
ضرب جرس بابي فتحت لقيت صحاب زمان
صحاب اصيله جوم يزوروا اخوھم العيان
الله لما تحس ان حد ھمه امرك
بيحبك من قلبه بجد مش مصلحته ھبرك
مش بيضحلك وھو بيحفرلك فى قبرك
مش مھم كتر المعارف صاحب واحد أصلى أبرك
صحابي وقفوا جنبي طلعونى من ليل سرمد
الضربة الجامدة لو ممتش منھا تبقى اجمد