باب الفرجة تبان لي بعيدة
حاب نخرج منها أنا médaillé
Jamais قدرت نفهم la vida
نحس روحي فالvide نـpédaler
كتاب حياتي وسمه نضال
ما فهمونيش كيما ميصالي
داير الأمان غير فالحيطان
غير لها قدرت نعطي ظهري
اليوم اهي تبان لي بلي أنا اللي روحت للكية
درت نقاطي وين كان لازم غير فاصلة
تغمض عينك فرمشة تلقى جازوا الأيام
داخل فحكاية وما عندك حتى صلة
بالاك غالط مع العالي
وماشي داير اللي لازم
والله ما داير بلعاني
نسڭم روحي وراني عازم
زعما هو الدنيا اللي داني
وزاد عليَّ شويا الأسم
العشرة نقطعها اللولاني
ونزرب ونخرّج القَسم
بالاك أنايا اللي غالط
بالاك أنتوما اللي رايكوم صواب
بالاك أنا عقلي تالف
خلاني وحداني مع عندي القراب
بالاك كان لازم نكتف
بالاك العيب فيَّ ماشي فالصحاب
بالاك كان لازم نوالف
وننسى العزاز اللي غطاهوم التراب
وبالاك أنا اللي كنت خادعهوم
ماشي بالغدرة وعارفها jamais تدوم
شايف فالناس هموم
أنا اللي نكار الحيلة لتما كان لزوم
غارق فالكاس نعوم
مقابل المرايا راهي ترد علي اللوم
غير نقطة فهاد الكون
بنادم ضعيف وجاي يطلب السماح اليوم
شحال نعيا نمشي وحدي فهاد الحياة؟
بالاك غدوة نطيح وما نلقى وين نبات
بالاك اللي كانوا ناسي راحوا كي شبعوا هدات
الغلطة فيَّ، الميمة ماشي هاكا ربات
ديروها صفحة كحلة فاتت
ولا القلوب من جهتي كامل ماتت؟
حسن عوني، راني عيان
والتوانسة يفهموا كينقول راهي فادت
شحال من عين خليتها بكات
يا مهدي خلاص الوقت دوكا را فاتك
فبالهم ها تبقى عيان
الناس كملت حياتها ونساتك
بالاك أنايا اللي غالط
بالاك أنتوما اللي رايكوم صواب
بالاك أنا عقلي تالف
خلاني وحداني مع عندي القراب
بالاك كان لازم نكتف
بالاك العيب فيَّ ماشي فالصحاب
بالاك كان لازم نوالف
وننسى العزاز اللي غطاهوم التراب
(بالاك أنايا اللي غالط، غالط...)
(بالاك أنا عقلي تالف، تالف...)
(بالاك كان لازم نكتف، نكتف...)
(بالاك كان لازم نوالف، نوالف...)