'O cipp 'e sand'Anduon
(Concetta Barra)
A stu cipp 'e sand'Anduon nè sorè menate a ccà
A stu fuoche e revuzione ca stasera addà svampà
E ssi o fuoche bbuon a fà mbe so robbe a consummà
Appicciamme ind a malamme tutt o mmale 'e sta città
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Chesta è a ceppa abbiia bbuon, abbiiamme ro principie
Lassa sta chistu fucone saglie ncoppe o municipie
Iette abbasce tutt e ccarte pe stu fuoche ca s'attezza
Piglie père a ogne parte p'appiccià tutt a munnezza
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Rind e fust rind a vrase nè sorè menate a piezze
Tutt sti patrune 'e case cu e gravune cchiù fetiente
Quanne attezza a lamba sanda e s'appiccia stu patrone
Fosse o primme e vva cchiù annante
Ca va a gloria 'e sand'Anduon
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Mo ch' a cerca nun ze pose menavenne avì appaura
Iette abbasce tutt cose ro balcone ra quistura
Iette abbasce a legge vecchia ca se fa nu maccarone
N'ata nova s'apparecchia chella è a legge e sand'Anduon
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
E chi passa pa marina, ferma llà nun ghi cchiù annante
Iette abbasce sti mappine ca se fanne e cummannande
Cummannande e via Petrarca o patrune re marenare
Appicciammele sti barche nu fucone mieze o mare
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Chi se porte Sanda Lucia addimanne e piscature
Truove a famme e a carestia ca ce cacane e signure
E pecciò senza paura mena o fuoche sti bannere
Ci cacciarone e piscature cu a scusa ro culere
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Quanne po' passe a palazze po palazze comunale
Mena o fuoche sti intrallazze ca ce mannene o spitale
Tutte chelle scartapelle mieze o fuoche ca s'ingrigne
Tutte chelle iacuvelle ca ce mannene o Cutugne
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Mo ca passe a via Manzoni pe stu fuoche ca s'appiccia
Nè menate a sand'Anduon sti pernacchie cu a pelliccia
Avunate runa vranche una vranche une mundone
Tutte chelle magnafranche pe stu cippe e sand'Anduon
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Quanne po pe coppe vaie cchiù vaie ncoppe e cchiù faie bbuon
Mena abbasce chi s'ingrasse comme o puorche e sand'Anduon
E ssi o puorche s'è ngrassate co commerce e a curruzione
Quanne o fuoche s'è appicciate l'arrustimme a sand'Anduon
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Quanne è fatte sta cataste piglie e ffave ro burzelle
Ca ce fanne o ppane e a paste nzieme a povere 'e sciuscelle
Chi ci allonga l'acqua e o vine e avvelena tutt o munno
Chille stesse giacubbine tra putere e fra lu munno
Sand'Anduon, sand'Anduon, tecchete o viecchie e dacce o nnuove
Tutt o viecchie 'e sta città, soré, menate menate
Mo s'abbrucia chestu mmale mieze a chiazze ro castielle
Sotto a veste e o carnevale ièsce a cape 'e Masanielle
E abballanne a tarantella mieze e llambe a ccà e a llà
Vanne nciele e bbicchiarelle ch' e perucchie 'e sta città
Sand'Anduon, sand'Anduon, tecchete o viecchie e dacce o nnuove,
Soré, menate menate.